நாமும் வாழ்த்துவோம் வாருங்கள் எமது தலைவரை

தாகம் தாகம் கடல் சூழ்ந்த இடமெல்லாமே தாகம்
தமிழன் ஆண்டது சொந்த மண்ணை
கதைகளிலும் காவியங்களிலும் கேட்டது மட்டுமே
சுவடுகளும் வரலாறுகளும் உண்மை கூறின
கல் தோன்றி மண் தோன்றா காலங்களில் தமிழ் அன்றாம்
ஒரு பிடி மண் இல்லை தமிழனுக்கு இன்றாம்
தமிழன் உணரவில்லை அன்றும் உண்மையை
வெகுளியாய் நம்பியதால்
தொலைத்தோம் எங்களை

காயங்கள் உடலிலும் உள்ளத்திலும் உறுத்தின பாடாய்
நாட்கள் இல்லை மாதங்கள் இல்லை வருடங்களாய்
ஆங்கிலேயன் சுதந்திரம் தந்து சென்றுவிட்டான்
சிங்களத்துக்கு கை கட்டத்தொடங்கியது தமிழ் இனமே
ஆண்டது சிங்கள கொடிய மிருகங்கள்
வெந்தது தமிழன் தேகங்கள் நித்தமும்
சிங்களம் சீற்றம் கொண்டால் வேகும் தமிழ் உடல்கள்
முட்டி மோதி முதுகெலும்பு உடைத்துக்கொண்டோம்
வேண்டாம் பொல்லாப்பு ஒதுங்கி ஓய்வெடுத்தோம்
விதிகள் சதிகளாக தட்டிச் சென்றன காலங்களாக
குட்ட குட்ட விழுந்தோம் கூனிக் குறுகி நின்றோம்
யாழ் தொடங்கி வவுனியா தாண்டினால் நடிங்கினோம்
நாடி நரம்பு ஒடுங்கி நின்றோம் நாவடைத்து
தமிழன் என்று சொல்லவே பயந்தோம் சொந்த தேசத்தில்
புழுதி எங்கள் உடல்களில் உண்மைகளை விளுங்கிக்கொண்டோம்
நித்தம் வேதனை நிமிர்வில்லா சாதனை
வஞ்சிக்கப்பட்டது தமிழ் இனம் வாஞ்சையாக
ஆண்டவன் கண்ணும் கலங்கியதோ தமிழ் நிலையை பார்த்தோ
கார்த்திகை குளிரில் தான் கருணை பிறந்ததோ ஆண்டவனுக்கும்
சூரிய தேவன் கண்களும் தமிழர் பக்கம் திரும்பியதோ
வல்வெட்டித்துறை மண்ணிலே கடலோசை நாதம் இசைக்க -
இருபத்தாறு கார்த்திகை உதித்தானோ எங்கள் வீரன் மகாவீரன்
பிரபாகரன் பெயர் சொல்லி உயிர்த்தெழுந்தது தமிழர் தேசங்கள்
உலகத்துக்கு தெரியவில்லை தமிழன் யார் என்று புரியவில்லை
காட்டினான் தம்பியாய் மானத் தமிழன் வீரத்தை உலகெங்கும்
திரும்பிப் பார்த்தது தமிழன் என்ற இனம் இருப்பது புரிந்தது
உலகத் தமிழன் இதயங்களில் மானம் காக்கும் தமிழ் தலையானான்
பிரபாகரன் தமிழன் தலைவனானார் தலை நிமிர வைத்தவன் தமிழனை
ஐம்பத்து ஏழாவது அகவை எங்கள் தானத் தலைவனுக்கு
வாழ்த்த மனங்கள் துடிக்கின்றது தலைவன் புன் சிரிப்பை காண மனம் ஏங்குதே
வாழ்த்துகின்றோம் தளவை நீடூழி வாழ வாழ்த்துகின்றோம்
தலைவனால் தமிழ் இனமும் வாழட்டும் வாழட்டும் நீடூழி

[கவிஞர் இராஜேந்திரகுமார்]



உங்கள் வாழ்த்துக்களை இதற்க்கு கீழ் பதியுங்கள் உறவுகளே